Нарын шаарында учурдагы кырдаалга байланыштуу курмандык
чалынып, түлөө өткөрүлдү. Бул тууралуу Нарын облустук казыятынан билдиришти.
Кечээ, 10-июлда Нарын
облустук мусулмандар казыяты тарабынан Кыргызстан мусулмандарынын дин
башкармалыгы жана демөөрчүлөрдүн колдоосу менен курмандык чалынды.
Түлөө Нарын шаарындагы борбордук «Азирети Али» мечитинде өткөрүлүп, COVID-19 илдетинен
каза болгон жарандардын арбагына багышталып куран окулду.
Иш-чарага Нарын облустук мусулмандар казыятынын жалпы жамааты, имамдар жана
жергиликтүү тургундар катышты.
Түлөөдө бир бодо мал союлуп, анын эти муктаж болгон үй-бүлөлөргө таратылып берилди.
Эске салсак, кечээ Бишкек шаарында да мал союлуп, муфтият түлөө өткөргөн.