Түркия президенти Тайип Эрдогандын билдирүүсү боюнча түркиялык өндүрүштөн чыккан алгачкы сериялык электромобиль 2022-жылы конвейерден түшүрүлөт.
«Заводдун курулушун 18 ай ичинде аяктоо пландалууда, ал эми алгачкы түрк өндүрүшүнө чыккан электромобиль 2022-жылы конвейерден түшүрүлөт», — деп билдирген Эрдоган Бурса провинциясында курулуп баштаган заводдун пайдубалына капсула салып жатып.
Ошондой эле, түрк лидеринин айтуусу боюнча Түркия бул долбоорду 60 жыл күткөн жана заводдун пайдубалына капсула салуу иш-чарасы жалпы улуттук мегадолбоорлордун ичиндеги «алтын звено» болуп саналат.