Казакстандын президенти Касым-Жомарт Токаев карантинди эки аптага узартууга буйрук берди. Бул тууралуу казак маалымат булактары жазышты.
Президент өз чечими тууралуу бүгүн, 29-июлда премьер-министр Аскар Мамин жана саламаттык сактоо министри Алексей Цойду кабыл алып жатып айтты.
Буга чейин Цой чектөөлөрдү 3-августтан тартып жумшартуу каралып жатканын айткан.
Эске салсак, коңшу өлкөдө экинчи ирет карантин 5-июлда эки аптага киргизилип, андан кийин 5-августка чейин узартылган.
29-июлга карата аталган мамлекетте коронавирусту жугузуп алгандардын саны 86 миңден ашты. 800дөй бейтап көз жумду.