Кыргызстандагы маданият өкүлдөрү залкар комузчуларды эскеришти

Кыргызстанда жарыяланган Комуз жумалыгынын алкагында залкар комузчулар эскерилип, айкелдерине гүл чамбар коюлду. Бул тууралуу Маданият, маалымат жана туризм министрлигинин басма сөз кызматы билдирет.

Залкар комузчулардын айкелдерине гүл чамбар коюу иш-чарасына СССРдин, Кыргыз Республикасынын эл артисттери, маданиятка эмгек сиңирген ишмерлер, өнөр адамдары жана жаңы чыгып келе жаткан жаш комузчулар катышкан.

Гүл чамбар Бишкек шаарында – Токтогул Сатылгановдун, Ош шаарында – Ниязалы Борошевдин жана Ысык-Көл облусунун Корумду айылында – Карамолдо Орозовдун айкелдерине коюлду.

Эске салсак, Маданият министрлиги 7нен 13-сентябрга чейин “Комуз” жумалыгын жарыялаган. Иш-чара эпидемиологиялык кырдаалга байланыштуу онлайн форатта өтүп жатат.