Жумушу жок жүргөндөр аралыктан туруп эле жумушка орношуу бөлүмүнө катталып койсо болот. Бул тууралуу Эмгек жана социалдык өнүктүрүү министрлигинен билдирди.
Буга чейин аталган бөлүмгө барып катталышчу, эми Zanyatost.kg. сайтына кирип каттоо деген жеринен арыз тапшырууга болот.
Эгерде суроолор жаралса, иш менен камсыз кылууга көмөктөшкөн бардык аймактык бөлүмдүн номерлерине чалуу каралган.
Мындан тышкары, сайттан бош жумуш орундарынын тизмесин же издеп жаткан иш боюнча электрондук арыз жөнөтө аласыз.