ДССУ Казакстанда чыгарылган экинчи коронавирустук вакцинанын сыноосун жактырды

24

Дүйнөлүк саламаттыкты сактоо уюму Казакстанда иштелип чыккан дагы бир коронавирустук вакцинанын сыноосун жактырды. Бул тууралуу Казак улуттук агрардык университетинин эл аралык эмдөө борборунун директору билдирүүсүнө таянуу менен  коңшу өлкөнүн басылмалары жазышты.

Анда айтылгандай, вакцинаны Казак улуттук агрардык университетинин эл аралык вакцина борбору менен өзгөчө кооптуу инфекциялар боюнча улуттук изилдөө борбору биргелешип иштеп чыгышкан. Учурда препараттын клиникага чейинки сыноолору жүрүп жатат.

“Достор, биздин бирдиктүү SARS-CoV-2 (COVID-19) наноэмульсия майына адъювант вакцинабыз Дүйнөлүк саламаттыкты сактоо уюмунун вакцинасына талапкерлердин тизмесине киргизилгенин жарыялаганыма абдан кубанычтамын”, – деп жазган эл аралык эмдөө борборунун жетекчиси.

Эскерте кетсек, буга чейин Дүйнөлүк саламаттыкты сактоо уюму Казакстанда чыгарылган биринчи вакцинаны дарылардын тизмесине кошкон. Учурда дары колдонууга берилип, текшерилүүдө.