Мас адам Аламүдүн районунда милиция кызматкерлерине бычак менен кол салды

Аламүдүн районунда бир адам милиция кызматкерлерине кол салды. Бул тууралуу «24.kg» агенттиги өздүк булактарга таянуу менен жазды.

Маалым болгондой, окуя бүгүн саат 14.00 чамасында Нижний Ала-Арча айылында болгон. Постто милиционерлер нөөмөттө турушкан, бул учурда аларга мас адам келип, укук коргоо кызматкерлерине бычак менен кол салган.

«Алдын ала маалыматтар боюнча, милиция кол салган адамга ок атууга аргасыз болгон. Натыйжада, эркек киши ооруканага жаткырылды. Белгилүү болгондой, кол салган адам полиция кызматкерин жарадар кылган », — деп айтылат маалыматта.