Франциянын президенти Эммануэль Макрон Le Journal du Dimanche гезитине берген маегинде Беларуссиянын президенти Александр Лукашенко кызматтан кетиши керек деп билдирди.
«Беларуссияда болуп жаткан окуялар — бул бийликтин кризиси, авторитардык
бийлик, ал демократиянын логикасын кабыл ала албайт жана күчтүн жардамы менен
бекемдөөгө аракет кылат. Лукашенко кетиши керек экени айдан ачык», — деди
француз лидери.
Мындан тышкары, Макрон Беларуссиядагы демонстранттардын эрдигине суктангандыгын
баса белгиледи. «Алар дем алыш күндөрү демонстрацияга баруу менен
тобокелчиликти барышат. Акцияны ар ишемби сайын уюштурган аялдар сыйга татыктуу»,
— деп кошумчалады Макрон.