Ошто президентти колдогон митинг өтүп жатат

Ош шаарынын бобордук аянтында президент Сооронбай Жээнбековду колдоо митинги өтүп жатат.  Алар “Сооронбай Жээнбеков Сизге ишенген элиңиз бар аркаңызда!”, “Энелер тынчтык үчүн” деп  плакаттарга жазып колдоруна кармап турушат. 

Эске салсак, 4-октябрдагы шайлоонунун жыйынтыгын жокко чыгарууну талап кылган митинг 5-октябрда башталып, 6-октябрда Ак үйдү жана мамлекеттик мекемелерди басып алышканы маалым болгон. 

Бүгүн Бишкекте Президент Сооронбай Жээнбековду колдогон митинг өтүп жатат. Уюштуруучулар мамлекет башчысынын тарапташтарын Жаш Гвардия бульвары менен Токтогул көчөсүнүн кесилишине бүгүн саат 9: 00дө чогулушун суранышкан. Азыр бульварга 500гө жакын адам чогулду. Алар мыйзамдуу президентти колдойбуз деп жатышат. Митингчилер жолугушуу учурунда мыйзамды бузбоого убада берүүдө.