Мирбек Мияров Өкмөттүн Чүй облусундагы ыйгарым укуктуу өкүлү болуп дайындалды

Мирбек Мияров өкмөттүн Чүй облусундагы ыйгарым укуктуу өкүлү болуп дайындалды. Бул тууралуу бүгүн, 15-октябрда өкмөттүн басма сөз кызматынан билдиришти.

Аталган чечим кадрдык потенциалды жаңыртуу жана мамлекеттик жарандык кызматка жаңы жана жаш адистерди тартуу максатында кабыл алынды. Тиешелүү буйрукка өкмөт башчы Садыр Жапаров кол койду.