УКМК: К.Ташиев С.Жапаровду коррупиялык иштерге тиешеси бар деп камакка алат деген жалган маалымат

Социалдык тармактарда КР УКМК төрагасы Камчыбек Ташиев Садыр Жапаровду коррупциялык иштерге тиешеси бар кеңешчилерди дайындаганы үчүн жеке камакка алат деген маалымат жалган. Бул тууралуу бүгүн, 31-октябрда УКМКнын басма сөз кызматы билдирди.

КР Улуттук коопсуздук мамлекеттик комитети жарандарды мамлекеттик бийликтин жогорку жетекчилеринин кадыр-баркын түшүрүү максатында атайылап апыртылган жалган билдирүүлөрдү социалдык тармактарда жайылтпоого чакырат.

УКМК жалган маалымат тараткандар мыйзам чегинде жоопкерчиликке тартыларын эскертет.