“Исхак Раззаков- Аруулук асманы” аталышындагы китеп жарыкка чыкты

205

Кыргыз Республикасынын Маданиятына эмгек сиңирген ишмер   Абдилаат Дооровдун  Исхак Раззаковдун 110 жылдыгына арналган, “Исхак Раззаков- Аруулук асманы” аталышындагы китеби жарык көрдү. Бул тууралуу журналист Абдиллабек Авазов  социалдык баракчасы аркылуу билдирди.

 Китеп- Улуу инсан – Исхак Раззаковдун өмүрү, тарых-таржымалы жана ишмердүүлүгүнө арналган. “Улуу тоолор” басмаканасынан 1000 нускада (31 басма табак, 490 бет) жарык көргөн.

Маалымат катарында,   акын, журналист  Абдилаат Дооров 1953-жылы 1-сентябрда  Баткен облусунун Лейлек районундагы Кулунду айылында жарык дүйнөгө келген. Акындын 1998-жылы  “Миң тамыр”, 2010-жылы. “Гүл-гүл”  ырлар жыйнагы чыккан.

Анын улуу уулу Төрөкул Дооров – “Азаттык” үналгысында эмгектенет. Азыркы тапта ал Казак кызматынын директору.

Андан кийинки уулу Сүйөркул – сүрөтчү.