Бишкек-Ош унаа жолунда оор жүк ташуучу унаалар үчүн убактылуу чектөө киргизилди. Бул тууралуу Жалал-Абад облустук жол кыймылынын коопсуздугун камсыздоо башкармалыгынан кабарлашты.
Маалыматка ылайык, аба ырайынын кескин түрдө өзгөргөндүгүнө жана Ала-Бел жана Чычкан капчыгайында кардын тынымсыз жаап жатканына байланыштуу, бүгүн, 13-февраль саат 17:30дан баштап, тыгындардын алдын алуу максатында Бишкек-Ош унаа жолунун 272-чакырымында жайгашкан «Арал» стационардык постунан, ЖКККБнын кызматкерлери тарабынан оор жана коркунучтуу жүк ташуучу унаалар үчүн убактылуу чектөө киргизилген.
Жалал-Абад облустук Жол кыймылынын коопсуздугун камсыздоо бөлүмү жалпы айдоочуларга жол кыймылынын эрежелерин так сактап жүрүүлөрү керектигин эскертишет.