Экс-премьер-министр Сапар Исаков Фейсбуктагы баракчасына чабуул болгонун билдирди. Бул тууралуу жаңы ачылган баракчасына жазды.
“Урматтуу мекендештерим, ардактуу кыргыз элим, кече белгисиз себептерден, жеке баракчама чабуул болду. Эмне үчүн, айтпасакда белгилүү.
Сиздердин калоо тилектериниздерге терең ыраазычылык билдирем. Моралдык жактан чоң колдоо болуп жатат, башымды ийип таазим кылам. Көптөгөн каралоолор бир тараптуу болгонуна байланыштуу, Өз-Ой пикиримди жеке баракчам аркылуу билдирип турууну туура көрдүм. Бул баракча жеке өзүмө тиешелүү, эч кандай фейк аккаунт эмес, фейсбук, инстаграм баракчама катталыныздар.
Мен ишенем Кудай буюрса Кыргызстан, сөзсүз тез өнүгүп бара жаткан, Орто Азиядагы эң бай өлкөгө айланат.
Баары өз оордуна келет, сөзсүз түрдө Кыргызстандан жолугушабыз,мамлекеттин казынасынан 1 тыйын албаганымды, саясий куугунтук болгонун далилдейм.
Сөзсүз түрдө акыйкат орнойт, терең урматым менен Сапар Исаков»,-деген ал.
