Бул тууралуу өлкө башчы иш сапардын алдында эл аралык «Казинформ» маалымат агенттигине маек куруп жатып билдирди.
“Казакстандыктарга биримдик, боорукердик, тынчтык каалайм! Албетте, бүгүн Казакстан бизден көп жылдар бою алдыда экендигин моюнга алышыбыз керек. Сиздин элиңиздин дагы да алдыга жылышын каалайм, анткени сизде баары жакшы болсо, анда Кыргызстанда баары жакшы болот. Биз бир тууган элдербиз. Биз эч качан бири-бирибизди таштаган эмеспиз. Муну тарых тастыктайт. Казактарга кыйын болгондо кыргыздар жардам беришкен, кыргыздарга кыйын болгондо казактар жардам беришкен. Эгерде тарыхка кайрылсак, анда бир мисал бар – 30-жылдардагы ачарчылык учурунда бизге көптөгөн казактар көчүп келишкен. Андан кийин казактар менен акыркы кесе талканды бөлүшүп, казактарды ачарчылыктан сактап калдык. Менин айылымда казактар жашаган 10го жакын айылдар бар. Алар бул жерде 100 жылдан ашуун убакыттан бери жашап келишет, биз болсо аларга жакын болуп калдык. Биз ар дайым кыйын учурларда бири-бирибизге жардам берип келгенбиз. Ошондуктан, казак боордошторго жакшылык, бакубатчылык, тынчтык жана бейпилдик каалайм”-деди ал.