Афганистанда тик учак кулап, 9 адам каза болду

166

Афганистандын борбордук бөлүгүндөгү Вардак провинциясында Афганистандын атайын күчтөрүнүн тик учагы кулап, анын бортундагы тогуз адам каза болгонун аталган өлкөнүн Коргоо министрлиги билдирди.

“Тилекке каршы, Ми-17 тик учагы Вардак провинциясынын Бехсуд районунда кулады. Бул кырсыктан коопсуздук күчтөрүнүн тогуз кызматкери каза болду. Коргоо министрлиги кырсыктын себептерин иликтөөдө”, – деп билдиришкен Коргоо министрлигинен.

Бехсуд районунда жергиликтүү тургун РИА Новостиге билдиргендей, тик учакты түн ичинде согушкерлер атып түшүрүшкөн.