Дүйнөдө COVID-19 менен ооругандардын саны өсүп, вирустан каза болгондордун көбөйүшү кооптонууну жаратууда

326

Дүйнөдө COVID-19 менен ооругандардын саны бешинчи жумадан бери өсүүдө жана вирустан каза болгондордун көбөйүшү дагы кооптонууну жаратууда. Бул тууралуу брифингде ДСУнун шашылыш оорулар бөлүмүнүн техникалык тобунун башчысы Мария Ван Керхов билдирди, деп жазат РИА Новости.

Акыркы жумада дүйнөдө жаңы илдет менен ооругандардын саны мурункуга салыштырмалуу 8 пайызга көбөйдү, деди ал.

“Азыр биз ДССУ беш регионунун төртөөндө инфекциянын жайылышынын өсүшүн көрүп жатабыз. Дүйнөдө бешинчи жума катары менен өсүш жүрүп жатат.

Анын айтымында, Европада инфекциянын өсүшү 12 пайызды түзгөн, бул негизинен Британиянын штаммына байланыштуу. Түштүк-Чыгыш Азияда жаңы оорулардын саны 49 пайызга, Тынч океанынын батыш аймагында 29 пайызга, Чыгыш Жер Ортолук деңизинде 8 пайызга көбөйгөн.

Мария Ван Керхове кошумчалагандай, алты жума бою ДССУ өлүмдүн азайгандыгын белгиледи. Бирок, акыркы жумаларда дүйнө жүзү боюнча өлүмдөр кайрадан көбөйө баштады, бул өтө тынчсызданууну жаратууда.

Эскерте кетсек, 19-мартта Европа Комиссиясы коронавирустун үчүнчү толкуну башталгандыгын расмий жарыялаган. Европада, барган сайын көп өлкөлөр катуу карантин жарыялап, оорунун рекорддук көрсөткүчтөрүн көрсөттү.