Ош шаарында коронавируска каршы эмдөө башталды

Ош шаарында COVID-19га каршы эмдөө башталды. Бул тууралуу мэриянын басма сөз кызматы маалымдады.

Маалыматка ылайык, биринчи этап №1 Үй-бүлөлү медициналык борбордо башталган. Эмдөөнүн башталышы менен Ош шаарынын вице-мэри Эмил Шадыханов таанышты.

Муниципалитет Саламаттыкты сактоо жана социалдык өнүгүү министрлигинин планына ылайык, алгач медицина кызматкерлери, билим берүү уюмдарынын кызматкерлери, укук коргоо жана коопсуздук органдарынын эмдөөдөн өтөрүн белгиледи.

№1 ҮМБнун башкы дарыгери Мукарам Мондуеванын айтымында, облус борборуна Кытайда чыгарылган «Синофарм» вакцинасынын 300 дозасы жеткирилген.

Эмдөө учурунда ар бир адам менен маектешүү жүргүзүлүп, текшерилет.