Суусамыр — Талас — Тараз унаа жолунда, калың жааган кардан улам, автоунаалардын жүрүүсүнө убактылуу чектөө киргизилди. Бул тууралуу Өзгөчө кырдаалдар министрлигинин басма сөз кызматынан билдиришти.
“Саат 08:35ке карата. Кар жаагандыгына байланыштуу жана унаа тыгындарын болтурбоо максатында саат 08:30дан тартып Суусамыр-Талас-Тараз унаа жолунун Талас районунун Талды-Булак айылында пост уюштурулуп, оор жүк ташуучу унааларга убактылуу чектөө киргизилген”,-деп айтылат маалыматта.