Ош облусунун Өзгөн районунда дайынсыз болуп жаткан кыз Бишкектен табылды. Бул тууралуу Милициянын кайгуул кызматынан билдиришти.
Маалыматка ылайык, 20-апрель күнү Бишкек ШИИББинин «102» кызматына Жумабек жана Гоголь көчөлөрүнүн кесилишинде жашы жете элек кыз жүрөт деген маалымат келип түшкөн.
Айтылган дарекке милициянын кайгуул кызматкерлери келип, маалыматты тактаганда 2007-жылы туулган У.Н. аттуу кыз болгон. Ал 12-апрель күнү Ош облусунун Өзгөн районундагы үйлөрдүн биринен чыгып кеткен бойдон дайынсыз болуп, ички иштер органдары тарабынан изделип жатканы аныкталган.
Кызды кайгуул кызматы туугандарына өткөрүп берүү үчүн Свердлов РИИБине жеткиришкен.