29-апрелде башталган Кыргыз-Тажик кагылышуусунан Баткен облусу боюнча жалпы 78 турак үй талкаланды. Алардын ичинде 2 мектеп 1 ФАП бар.
Максат айылында талкаланган мектеп жаңы курулган. Ичинде бардык шарттар каралып, ысык суусу жана дааратканасы менен жакында эле пайдаланууга берилген.
Өзгөчө кырдаалдар министрлигинен билдиришкендей, учурда 13 даана атайын техникалар жана 165 кызматкер иштерди жүргүзүүдө. Мындан тышкары 13 «Тез жардам» унаасы 35 кызматкери менен күнү-түнү иштөөдө. Тажик тараптын кол салуусунан жалпы облус боюнча 78 турак үй, 2 мектеп, 1 ФАП, 1 Ички иштер министрлигинин имараты, 1 бала бакча, 3 чек ара заставасы, 10 АЗС жана 8 дүкөн талкаланган», — деди Шамырканов. Кыргыз өлкөсү менен Тажикстандын чек арасындагы абал 29-апрель күнү таңга маал курчуп кеткен.