Бишкекте “Туран” саясий партиясынын лидери Жеңиш Молдокматов 6-июлга чейин камакка алынды. Бул тууралуу Биринчи май райондук сотунун басма сөз кызматы билдирди.
Маалыматка таянсак, 8-майда анын башкоргоо чарасы каралып, сот аны 2021-жылдын 6-июлуна чейин Юстиция министрлигинин 1-убактылуу кармоочу жайына киргизүү чечимин чыгарды.
Эске салсак, Жеңиш Молдокматов 6-май күнү күбө катары суракка чакырылган. Ошол жерден ага “Мекемени жана курал жарактарды басып алуу” беренеси менен айып тагылып, 2 суткага камалган болчу.