“Катар” кайрымдуулук уюмунун Кыргызстандагы филиалы чек арада орун алган акыркы окуялардан жабыркаган Баткен элине, гуманитардык жардам алып келишти. Бул тууралуу Өкмөттүн Баткен облусундагы ыйгарым укуктуу өкүлүнүн басма сөз кызматы билдирди.
Аталган уюм аймактагы, 2000 үй-бүлөгө, 110 тонна азык-түлүк баштыкчаларын таратышты. Ошондой эле 4200 адамга, ыйык орозо айынын урматына, ооз ачуу үчүн, тамак-аш таратты.
Андан сырткары Баткен жергесине муктаждыкка жараша 100 миң долларлык курулушту пландоодо.
“Катар” кайрымдуулук уюмунун Кыргызстандагы филиалынын директору Алсамман Мохамад Хомам Ахмад Самир мырза жергиликтүү эл менен жолугуп, болуп өткөн окуяларга байланыштуу көңүл айтты.
Эске салсак, буга чейин аталган уюм, Лейлек районунда аз камсыз болгон үй-бүлөлөргө жана майыптыгы бар жарандарга азык-түлүк тараткан.