Бүгүн бир катар аймактардагы акимдердин ротациясы жөнүндө белгилүү болду. Президент Садыр Жапаров тиешелүү жарлыктарга кол койду.
Мамлекет башчысынын басма сөз кызматы түшүндүргөндөй, жаңы мамлекеттик кадр саясаты жөнүндө жарлыкка ылайык, мамлекеттик жана муниципалдык кызматка акыйкат жеткиликтүүлүктү камсыз кылуу, басмырлоого жол берилбестик жана кесипкөй мамлекеттик аппаратты түзүү. Жарлыкты ишке ашыруунун алкагында өлкөдө жергиликтүү мамлекеттик администрациялардын башчылары аттестациядан өттү.
Эксперт Адилет Маматов акимдердин ротациясы — бул жаңы идеяларды жаратуу үчүн башкаруучулук тажрыйбаны өткөрүп берүү деп эсептейт.
«Кыргызстанда биринчи жолу таптакыр жаңы принцип боюнча акимдерди массалык ротациялоо жүргүзүлдү. Президент кол койгон жарлыкта айтылгандай, кастлингдин негизги максаттары — кызыкчылыктардын кагылышын жоюу жана жергиликтүү администрациялардын башчыларынын ишинде калыстыкты камсыз кылуу. Ошондуктан, түндүк аймактарда иштеген кадрлар түштүккө жана тескерисинче которулду », — деди ал.
Анын айтымында, заманбап дүйнөдө менеджердик тажрыйба жана административдик билим экономикалык натыйжалуулукка жетүү үчүн негиз болуп саналат, анткени ресурстарды, капиталды жана өндүрүштүк кубаттуулукту камсыз кылуу, эгерде ийгиликтүү экономикалык ишти уюштуруу үчүн базалык билим болбосо, атаандаштыкка жөндөмдүү өндүрүштү кепилдей албайт.
«Өткөн кылымда Жапония, жери жана жаратылыш ресурстары чектелүү арал өлкөсү катары, алдыңкы тажрыйбаны жана билимди натыйжалуу пайдалануу менен дүйнөдөгү экинчи экономикага айланды. Мунай жана табигый ресурстарга ээ болбогон, ар тараптан достук мамилеси жок мамлекеттердин курчоосунда турган Израиль, ошондой эле адам ресурстарын билгичтик менен пайдалануунун аркасында күчтүү регионалдык державага айланды. Адамзат тапкан тажрыйба жана билим — бул 21-кылымдагы эң баалуу экономикалык ресурс ”, — деп түшүндүрдү Адилет Маматов.
Ал буга байланыштуу, район акимдерин ротациялоо бул адамдардын кыймылы эмес, биринчи кезекте менеджердик тажрыйбанын жана административдик билимдин кыймылы деп эсептейт.
«Биздин көп улуттуу өлкөбүздө бардык аймактар өзүнчө уникалдуу, ар бир аймактын башкалардан айырмаланып турган өзгөчөлүгү бар. Уникалдуу шарттар кайталангыс тажрыйбаны жана билимди жаратат, алар жайылтылганда коомдун өнүгүшүнө керектүү дем берет. Анткени, экономикалык ресурстардын кыймылы экономикалык өндүрүштүн бир түрү экендиги эч кимге жашыруун эмес.
Акимчиликтердин деңгээлинде тажрыйба жана билим алмашуу региондордун экономикалык иш-аракеттеринде жаңы идеяларды жаратуу үчүн зарыл потенциалды жана республикада прогрессивдүү экономикалык парадигманы калыптандыруу шарттарын түзөт », — деди эксперт.