Курман айт 20- же 21-июлда белгиленет

Бул тууралуу  муфтияттын маалымат катчысы Максат Атабаев жергиликтүү маалымат каражаттарына билдирген.

Анын айтымында, так дата бир жума калганда айтылат. Айт намазын аянттарда окууга чектөө коюлар-коюлбасы дагы ошондо чечилет.

Орозо айт быйыл 13-майда белгиленген. Өлкөдөгү эпидемиологиялык кырдаалдан улам айт намаз аянттарда эмес, мечиттерде гана окулган. Курман айт адатта орозо аяктагандан 70 күндөн кийин белгиленет.