Бишкектеги эски аянтта «Достук» фестивалы өтөт

Эгемендүүлүктүн 30 жылдыгына карата Бишкекте этностор аралык достук фестивалы башталды. Бул тууралуу Маданият, маалымат, спорт жана жаштар саясаты министрлиги кабарлады.

Эски аянтка уюштурулган иш-чара «Кыргызстан — менин мекеним!» деп аталып, ага өлкөдөгү бардык улуттун өкүлдөрү катышат. Өнөрпоздор өз талантын тартуулап, майрамдык парадда басышат. Ошондой эле көргөзмө, жарманке дагы болору айтылды.

Иш-чараны Маданият министрлиги президенттин Чүй облусундагы ыйгарым укуктуу өкүлчүлүгү жана Кыргызстан элинин ассамблеясы менен биргеликте өткөрмөкчү.

Эски аянтка боз үйлөр тигилип, кооздолгон.