Президент Садыр Жапаров бүгүн 53 жашка чыкты
Кыргыз Республикасынын Президенти Садыр Жапаровдун бүгүн туулган күнү. Садыр Жапаров 53 жашка чыкты.
Садыр Жапаров Нуркожоевич 1968-жылы 6-декабрда Ысык-Көл облусуна караштуу Түп районунун Кең-Суу айылында туулган.
Жапаров 1986-жылы орто мектепти аяктап, ошол эле жылы Фрунзе шаарындагы Дене тарбия жогорку окуу жайына өткөн. 1987-жылы Советтик Армиянын катарына чакырылып, 1989-жылга чейин Новосибирск шаарында радиотелеграфисттер бөлүмүнүн командири болуп кызмат өтөгөн. «Советтик Армиянын отличниги» деген наам алган. 1989-жылдан 1992-жылга чейин кайрадан Дене тарбия институтунда билим алуусун уланткан. Экинчи жогорку билимин, Кыргыз-Россия Славян университетинде алып, аталган университеттин юридикалык факультетин ийгиликтүү аяктаган.
Эмгек жолу:
1991-1994-жылдары «Солтонкул» дыйкан чарбасынын жетекчиси;
1994-1996-жылдары «Кергей» нефти компаниясынын директору;
1996-1997-жылдары Ысык-Көл облустук ИИМдин атайын ротадагы инспектору;
1997-2001-жылдары Мунай зат ташыган «Гузель» компаниясынын башкы директору;
2001-2005-жылдары Балыкчы шаарындагы «Нурнефтегаз» мунай компаниясынын башкы директору;
2005-2007-жылдары Жогорку кеңештин депутаты, «Келечек» фракциясынын жетекчиси;
2006-жылы Мамлекеттик сыйлыктар боюнча комиссиянын мүчөсү;
2007-жылы Мунапыс берүү боюнча комиссиянын жетекчисинин орун басары;
2008-2010-жылдары Жемкордукту алдын алуу улуттук агенттигинин комиссары;
2010-2013-жылдары Жогорку кеңештин депутаты.
2017-жылы 25-мартта Садыр Жапаров кармалган. Ал барымтага алууну уюштурган деп күнөөлөнүп, эркинен ажыратылган.
2020-жылы октябрь айынан тартып премьер-министр, президенттин милдетин аткаруучу.
2021-жылдын 28-январынан тартып президент.
