Баткенде милиция кызматкерлери ата-энелерге Интернеттин балдарга тийгизген терс таасири жөнүндө айтып беришти

11.02.2022

Азыркы убакта ар бир жаш өспүрүм колундагы телефонго ар кандай багыттагы социалдык тиркемелерди жүктөп алып, азгырылган учурлар көп. Жаш өспүрүмдөрдү туура жолго багыт көрсөтүп, Интернет айдыңын туура пайдалануу, интернет оюндарынан арылтуу макстында Лейлек РИИБнин балдар иштери боюнча инспекциясынын кызматкерлери ата-энелерге жыйналыштарды өткөрдү.

Жыйналышка райондогу дин өкүлдөрү, айыл өкмөттөрдөгү социалдык адистер катышып, онлайн оюндарынын терс таасирин, баланын ден соолугуна зыян алып келерин эскертишти. Ошондой эле телефондогу адепсиз оюндар жаш өспүрүмдөрдүн психологиясына терс таасирин тийгизип, кылмыштуулукка алып бараарын түшүндүрүп беришти.
Милиция кызматкерлери ата-энелерге балага көбүрөөк убакыт ажыратып, алардын телефондорун, сабактарын текшерип туруу жагы эскертишти. Балдарга карата зордук-зомбулуктарды жасаган ата-энелерге, жарандарга мыйзамда көрсөтүлгөн жоопкерчиликтер бар экенин белгилешти.