Кыргызстандык мушкерлер Болгарияда өткөн эл аралык турнирде эки медаль утуп алышты

Болгарияда өткөн “Странджа Кубогу” эл аралык турниринде Кыргызстандын мушкерлери эки медалга ээ болушту. Бул тууралуу kyrgyzstanboxing Instagram баракчасында билдирди.

Коло байгени 71 килограммга чейинки салмак ченинде Абдыжапар уулу Сыргак жана 48 килограммга чейинки салмакта Түркбай уулу Мирлан жеңип алышты.

“Странджа Кубогу” — Болгарияда жыл сайын өткөрүлүүчү бокс боюнча ышкыбоздор арасында престиждүү эл аралык турнир. Бул кичинекей дүйнөлүк чемпионат деп аталат.