Ошто коомдук коопсуздукту сактоого элдик кошуундун мүчөлөрү тартылды

Ош шаарынын аймагында кырдаал тынч. Коомдук коопсуздукту сактоого элдик кошуундун мүчөлөрү дагы тартылды.

Ош шаардык милициясынан билдиришкендей, Ош ШИИБнин кызматкерлери коомдук коопсуздукту жана тартипти камсыздап жатат.

Бүгүн, 17-сентябрда Ош шаарынын борбордук аянтында милиция кызматкерлери менен Ош шаарынын 7 муниципиалдык аймактык башкармалыгынан 100дөн ашуун элдик кошуундун мүчөлөрү коомдук тартипти сактоо боюнча биргеликте иш алып баруу үчүн шаар аймактарына бөлүндү.