Токмокко жакын жерде жол кырсыгы катталып 8 киши каза болду

Бишкек-Нарын-Торугарт унаа жолунун 78-чакырымында, Токмок шаарына жакын жерде жол кырсыгы катталып, сегиз адам каза болду. Бул маалыматты Чүй ЖКККББ басма сөз кызматы тастыктады.

Маалым болгондой, кырсык бүгүн, 27-майда саат 15:00дөр чамасында болгон. Хонда Одиссей маркасындагы оң рулдуу унаа жолдун каршы тилкесине чыгып кетип, автоманипулятор менен кагышкан.

Кырсыктан сегиз адам, анын ичинде эки жаш бала каза болгондугу айтылууда.