Аскердик контрчалгын кызматына чыйыр салган Абдыжалил Жамалов

Маркум генерал-майор Абдыжалил Кыргызбаевич Жамалов эгемен Кыргызстандын Улуттук коопсуздук жана чек ара кызматынын пайдубалын түптөөгө чоң салым кошкон. Ал чейрек кылымдан ашык атайын кызматтын катарында Ата Мекендин алдында парзын өтөдү. Жамалов КР аскердик контрчалгын кызматынын башатына чыйыр салды. 1999-2000 жылдары Абдыжалил Кыргызбаевич Баткен коогалыңына да катышкан. Тилекке каршы 2022-жылы ал каза болгон. Быйыл анын ысымы Ош шаарынын “Актилек” жаңы конушунун көчөсүнүн бирине берилди.