Бишкек шаарында Кыргызстандын футзал боюнча улуттук курамасы Япониянын курама командасына каршы эки жолдоштук беттеш өткөрөт.
Кыргыз футбол биримдигинен маалымдашкандай, оюндар 20 жана 22-сентябрь күндөрү борбор калаадагы «Газпром» спорт комплексинде өтөт.
Эске салсак, Таиландда болуп өткөн Азия Кубогунун «С» тайпасындагы оюндарында Кыргызстандын курамасы ошол кездеги континенталдык чемпион — Япониянын курамасын 3-2 эсебинде жеңип алган болчу.
Белгиленгендей, билеттер тууралуу маалымат жана оюндардын убактысы кошумча жарыяланат.
