Шаарларыбыз таза болсо өзүңөргө эле жакшы эмеспи — Садыр Жапаров 

Президент Садыр Жапаров өзүнүн Facebook баракчасына билдирүү калтырып, анда кыргызстандыктарга кайрылуу жолдогон.

«Бейиштин төрүндөй болгон жаратылышыбызды келечек муундарга көздүн карегиндей сактап, таза өткөрүп берип кетеличи мекендештер!

Учурдан пайдаланып, Бишкек, Ош жана башка шаарлардын мэрлеринин суранычын эсиңиздерге сала кетейин.

Урматтуу шаар тургундары!

Таштандыны кеч киргенден баштап түнкү саат 24:00 гө чейин таштап берсеңиздер.

Түнү менен таштанды тазаланат.

Көпчүлүк эртең менен таштанды таштаганга көнүп калышкан.

Ошондуктан эртең менен эмес,
түнкү саат 24:00 гө чейин таштанды таштаганга үйрөнсөңөр,
күндүз кечке таштанды салган челектер таза турмак.

Шаарларыбыз таза болсо өзүңөргө эле жакшы эмеспи» — деди өлкө башчы Садыр Жапаров