УКМК: Ак-Талаа районундагы май куюучу жайдын жер тилкеси мамлекетке кайтарылды

КР УКМКнын тергөө-ыкчам иш-чараларынын алкагында Нарын облусунун Ак-Талаа районунун Баетов а/а балансына май куюучу жайдын жер участогу кайтарылды, анын болжолдуу баасы 12 млн 300 миң сомду түзөт.

Мамлекеттик органдардын айрым кызмат адамдары жеке ишкер менен тил табышып, кызматтык абалынан кыянаттык менен пайдаланып, Нарын облусунун Ак-Талаа районунда май куюучу жай куруу үчүн жер тилкесин жеке менчикке мыйзамсыз чыгарып кетишкени аныкталган.