Флорида штатынын саламаттыкты сактоо департаментинин маалыматы боюнча, жакында эле Флоридада Хелен жана Милтон бороондорунун кыйратуусунан кийин коркунучтуу бактериялардын тастыкталган учурлары көбөйдү.
Катуу жамгыр жана кыйраткыч бороон-чапкын менен каптап кеткен Тампа-Бей аймагындагы Хилсборо жана Пинеллас округдарында “Vibrio vulnificus” бактерияларынын эң чоң көбөйүшү байкалган, алар адатта жылуу жээк сууларында кездешет, бирок концентрация деңгээли катуу жамгыр же суу ташкындары менен көтөрүлүшү мүмкүн. «Хелен» бороону 26-сентябрда жерге жеткенге чейин Пинеллас округунда жана Хиллсборо округунда бир да учур катталган эмес. Азыр Пинелласта 13 жана Хиллсбородо 7 тастыкталган учур бар. Сентябрда, Хелен бороону келгенге чейин Флоридада Vibrio vulnificus оорусунун алты учуру тастыкталган, бирок айдын акырына карата алардын саны 24кө жетти. Урагандан бери 38 учур тастыкталып, бул жылы 76 учур катталды.
Эске салсак, “Vibrio vulnificus” табигый түрдө деңиз сууларында жана пляждарда, ошондой эле балык көлмөлөрүндө, өзгөчө тилапия, кефаль жана лепица сыяктуу балыктар арасында пайда болгон коркунучтуу бактерия болуп саналат.
