КоомШоу-бизнес
Бегимай Турусбекова «Царица» долбоорунда кийинки турга өттү
Интернет жылдызы болгон Бегимай Турусбекова Россияда «Царица» вокалдык шоу долбоорунда кийинки турга өттү.
Ал Александр Басилая жана Юрий Ряшенцевдин «Арго» аталышындагы ырын аткарып, калыстардын эң жогорку 40 упайын алды. Ал эми көрүүчүлөрдүн 9,01 баасына татыды. Аткаруучуга калыстар мактоо сөздөрүн айтып, таң калгандарын жашырышкан жок.
«Чоң эле артисттин концертинде болгондой болдум. Сизге чоң рахмат. Сиздин аткарууңуздагы жарым тондордун аткарылышы керемет. Сиз кадимки эле профессионалсыз», — деп калыс болуп отурган белгилүү ырчы Алсу айтты.
Ал буга чейинки турларда дагы эң мыкты аткаруулар менен калыстардын мыкты баасына татып келген. Соңку турда «Фабрика звезд» долбоорунун жеңүүчүсү Дмитрий Колдун менен «Царевна» ырын аткарган.
