Диний чөйрөгө мониторинг жүргүзүү боюнча изилдөөнүн жыйынтыктары тааныштырылды

Кыргыз Республикасынын Дин иштери боюнча мамлекеттик комиссиясынын алдындагы Диний кырдаалды изилдөө борборунун кызматкерлери мамлекеттик органдардын кызматкерлерине жана эксперттик коомчулуктун өкүлдөрүнө “Диний кырдаалга мониторинг жүргүзүү” аталышында изилдөөнүн жыйынтыктарын тааныштырышты.

Бул изилдөө Кыргыз Республикасынын дин чөйрөсүндөгү мамлекеттик саясатынын концепциясын ишке ашыруу боюнча 2022–2026-жылдарга карата иш-чаралар планынын алкагында, атап айтканда, Диний чөйрөдөгү мамлекеттик саясатты ишке ашыруу боюнча коомдук пикирди социологиялык жана аналитикалык изилдөөлөрдү жүргүзүү пунктуна ылайык жүргүзүлдү.
Мониторингдин максаты — Кыргыз Республикасындагы социалдык-экономикалык жана саясий кырдаалга диний фактордун таасиринин динамикасын талдоо, ошондой эле калктын динчилдик деңгээлин аныктоого мүмкүндүк берүүчү маалыматтарды алуу.
Жалпысынан республиканын бардык аймактарында, ошондой эле Бишкек жана Ош шаарларында 18 жаштан жогорку курактагы 1546 адам сурамжылоого алынган. Сурамжылоо үчүн популяциянын тандалмасы квота ыкмасын колдонуу менен көп баскычтуу региондоштурулган тандоонун негизинде түзүлдү, ал биздин республиканын калкын негизги көрсөткүчтөр боюнча – жынысы, жашы, улуту боюнча көрсөтүү менен түзүлдү. Бул үлгү өлчөмү бизге натыйжаларды тактык менен (“+” “-” 4%) жана өлкөнүн деңгээлинде 97 ишеним деңгээлин камсыз кылууга мүмкүндүк берет.
Диний кырдаалды изилдөө борбору Кыргыз Республикасынын Дин иштери боюнча мамлекеттик комиссиясынын ведомстволук органы болуп саналат, ал диний кырдаалга мониторинг жүргүзүү, ошондой эле илимий-изилдөө жана аналитикалык иш-аракеттерди жүзөгө ашырат.