Ошто күчү 3,5 баллга жеткен жер титирөө катталды

Кечээ, 19-декабрда саат 20:52де Кыргызстандын аймагында очогунда күчү 3,5 баллга жеткен жер титирөө катталды.

Өзгөчө кырдаалдар министрлигинен билдиришкендей, жердин силкинүүсү Ош облусунун Алай районунун Бор-Дөбө айылында 3 баллга чейин сезилген.

Алдын ала маалымат боюнча жер титирөөдөн жабыркагандар жана кыйроолор катталган жок.