Мамлекет бала бакча ачууга жеңилдетилген насыя бере баштады

Кыргызстанда мамлекет бала бакча ачууга жеңилдетилген кредит бере баштады. Бул тууралуу Билим берүү жана илим министрлигинен билдиришти.

«Мектепке чейинки билим берүүнү өнүктүрүү үчүн жеңилдетилген насыя берүү» программасынын алкагында юридикалык жана жеке жактарга жеңилдетилген насыя бериле баштады.

«Жеңилдетилген насыя 10 миллион сомдон 70 миллион сомго чейин бала бакча курууга же реконструкциялоого берилет. Насыянын жылдык үстөгү — 10%, мөөнөтү — 3-5 жыл», — деп жазылат маалыматта.