Кыргызстанда жаракат алган бала акысыз дарыланат

Сууктун башталышы менен балдар тезинен медициналык жардамды талап кылган жаракаттарга, жыгылууга жана сыныктарга кабылышат.

Буга байланыштуу Милдеттүү медициналык камсыздоо фонду 16 жашка чейинки балдар, анын ичинде 18 жашка чейинки мектеп окуучулары калктын камсыздандырылган категориясына кирерин жана жаракат алган же башка курч шарттарда аларга шашылыш медициналык жардам акысыз көрсөтүүлөрүн эскертет.

Эмнени билүү зарыл:

1. Шашылыш медициналык жардам — бул жардам күтүлбөгөн жерден курч ооруларга же баланын өмүрүнө же ден соолугуна коркунуч туудурган жаракаттарга жардам берет. Шашылыш медициналык жардам ден соолукка олуттуу зыян келтирүүнү болтурбоо жана өмүргө коркунучту четтетүү үчүн кечиктирилбестен көрсөтүлөт. Мындай жардам тез жардам кызматы, медициналык мекемелер жана шашылыш консультативдик жардам аркылуу көрсөтүлөт.

2. Шашылыш кырдаалда 16 жашка чейинки балдарга, анын ичинде 18 жашка чейинки мектеп окуучуларына мамлекеттик стационарларда жана тез жардам аркылуу медициналык жардам акысыз көрсөтүлөт. Буга төмөнкүлөр камтылат:

• ооруканага жаткыруу, дарылоо жана операциялар;
• бардык зарыл болгон анализдер жана изилдөөлөр;
• дары-дармек жана медициналык буюм менен камсыздоо.

3. Балдардын өмүрүнө коркунуч туудурбаган, бирок өз убагында кийлигишүүнү талап кылган курч шарттарда тез медициналык жардам көрсөтүлөт. Бул учурда эгерде ага жогорку технологиялык процедураларга тиешеси жок болсо, балдар ооруканаларда жана амбулатордук дарылоодо кошумча төлөмсүз жардам ала алышат.

4. Баланын абалына саламаттык сактоо уюмунда жок адистин катышуусу талап кылынган учурларда шашылыш консультациялык жардам талап кылынышы мүмкүн. Консультациялар күнү-түнү жеткиликтүү жана акысыз берилет.

Өтө маанилүү: бала тез жардам менен ооруканага жаткырылганда үй-бүлөлүк дарыгердин жолдомосу талап кылынбайт.