Казакстанда кулаган учакта 3 кыргызстандык тең аман экендиги кабарланды

КРнын Өзгөчө кырдаалдар министри Бообек Ажикеев кыргызстандыктарга чукул кайрылуу жасап, Казакстандын аймагында кулаган учактын ичиндеги 3 кыргызстандык тең аман-эсен экенин билдирди.

«Урматтуу мекендештер!

Актау шаарында болгон учак кырсыгынан жабыркаган үч жараныбыздын абалы боюнча акыркы маалыматтарды бөлүшөм. Бардык мекендештерибиз тирүү.

– Бир жараныбыз реанимацияда, абалы туруктуу.
– Эки жараныбыздын абалы жакшырып, дарыгерлердин көзөмөлүндө.

Биз Казакстан жана Азербайжандын тиешелүү органдары менен тыгыз байланыштабыз. Жарандарыбызга толук жардам көрсөтүлүп жатат.

📞 Кошумча маалымат үчүн: 8 7292 31-90-99, 112 (Казакстан).

Мекендештерибизге тез сакайып кетүүсүн каалайбыз» — деди ӨКМ министри Ажикеев.