Бул тууралуу Казакстандын “Казинформ” маалымат агенттиги жазды.
Маалыматка караганда, мындай чечим француз маалымат каражаттары Олимпиадага катышкан спортчулардын 100дөн ашык медалды кайтарып бергенин жазгандан кийин, кабыл алынган.
Франциянын La Lettre интернет басылмасынын маалыматы боюнча, Олимп оюндарына катышкан айрым олимпиадачылар медалдарынын сүрөттөрүн социалдык тармактарга жайгаштырышып, андан соң спортчулар 100дөн ашык жараксыз медалды кайтарып беришкен.
Бул спортчулардын бири Олимп оюндарында көчө скейтбординг боюнча мелдеште коло байгеге ээ болгон америкалык скейтбордчу Нижа Хьюстон болгон. Олимпиададан он күндөн кийин ал медалынын сүрөтүн жарыялап, анын сапатына нааразы болгон.
«Медалдар жаңы кезинде абдан сонун көрүнгөн, бирок бир нече күндөн соң медалдын сапатсыз экени байкала баштады”,- деп жазган ал.
La Lettre жазгандай, оюндар учурунда ыйгарылган миңдеген медалдар Франциянын өкмөттүк сарайы тарабынан даярдалган.
“Париж 2024 Олимпиада оюндарын уюштуруу комитети медалдар боюнча ар кандай даттанууларды баалоо жана келтирилген зыяндын жагдайларын жана себептерин түшүнүү үчүн медалдардын өндүрүү жана сапатын көзөмөлдөө үчүн жооптуу агенттик болгон Париж монетасы (Франция өкмөтүнүн монетасы) менен тыгыз кызматташып жатат. Кемчилиги бар медалдар системалуу түрдө бирдей чегилген Нотр Дам медалдары менен алмаштырылат. Алмаштыруу процесси жакынкы апталарда башталышы керек”,-деп айтылат билдирүүдө.
Белгилей кетсек, Париж-2024 Олимп оюндары үчүн 5 084 алтын, күмүш жана коло медалдар люкс зер буюмдары жана саат чыгаруучу Chaumet тарабынан иштелип чыккан жана Париждин зерканасы тарабынан даярдалган.
Ар бир медалда эстеликти башкарган Париждик компаниянын фондунан алынган Эйфель мунарасынын кичинекей фрагменти бар.
