Бактыбек Абдуназаров 40 сааттык коомдук жумуштарга тартылды

Сүлүктү шаардык соту шаардык кеңештин төрагасы Бактыбек Абдуназаровго карата өкүм чыгарды. Бул тууралуу шаардык соттон кабарлашты. Маалыматка ылайык, ал Укук бузуулар жөнүндөгү кодексинин 57-беренеси (ден соолукка атайын жеңил зыян келтирүү) менен күнөөлүү деп табылып, 40 саатка
коомдук иштерге тартылмак болду. Аталган өкүм 13-январда чыккан.

Эскерте кетсек, Бактыбек Абдуназаров 2024-жылы «Адилет» партиясы менен жергиликтүү шайлоого катышкан. Ал Сүлүктү шаардык кеңешинин төрагасы болуп шайланган.