Баткен облусунда 609 адам обсервациядан үй карантинине чыгарылды

Баткен облусунда 609 адам обсервациядан үй карантинине чыгарылды. Бейтаптарга үй карантининин эрежелери түшүндүрүлүп, алар тийиштүү кызматкерлердин көзөмөлүндө болушат.

Бул тууралуу Өкмөттүн Баткен облусундагы ыйгарым укуктуу өкүлүнүн басма сөз кызматынан кабарлашты.

Учурда обсерватордо 337 жаран, ал эми изолятордо 82 жаран бар.

Алар үчүн ӨКМ облустук башкармалыгы жана Улуттук Кызыл ай коому тарабынан керектүү шарттар түзүлүп, ысык тамак берилүүдө.