Түркияда пандемиядан улам 90 миң кылмышкер абактан чыгарылган

Түркия Парламенти коронавирус пандемиясына байланыштуу 90 миң кылмышкерди убактылуу эркиндикке чыгаруу тууралуу токтом кабыл алган.

Акыйкаттык жана өнүгүү партиясы менен Улуттук кыймыл Партиясы тарабынан киргизилген мыйзам актысына ылайык жеңил-желпи кылмыштарды жасагандар  жана жаза чарасын жатак-абактарда өтүп жатышкандар убактылуу эркиндикке чыгырылат.

Алар ушул жылдын 31-майына чейин эркиндикте болушуп, андан соң жаза чараларын өтөөнү  улантышат.

Токтомго ылайык, эгерде бул мезгил аралыгында пандемия төмөндөбөсө, анда кылмышкерлердин эркиндикте жүрүү мөөнөтү дагы белгилүү бир мөөнөткө узартылат.