Кыргызстанда болгону 31 инфекционист дарыгер бар

Учурдагы коронавирустук кырдаалга байланыштуу түзүлгөн мобилдик топто жалпы 312 медицина кызматкери иштөөдө.

Саламаттыкты сактоо министри Сабиржан Абдикеримов жогорку кеңештин жыйынында билдиргендей, алардын ичинен 31и инфекционист дарыгер болсо, 115и эпидемиологдор.

Бүгүнкү күнгө карата 98 медицина кызматкерлери оору жуктуруп алышкан. Алардын 27си дарыгерлер болсо, калгандары ашпозчулар, санитарка сыяктуу кызматкерлер.