Баласын сабаган адамдын аялы: Күйөөм камалып кетсе 3 баламды кантип багам, төртүнчүсүн төрөгөнү жатам

Кечээ, баласын сабаган адамдын видеосу талкууга алынган. Ал, Москвада аялы экөө дворник болуп иштеген Эмилбек аттуу жаран экени аныкталды. ИИМдин Москвадагы өкүлү Аскат Алиев окуянын чоо-жайын айтып берди:

“Кармалган Эмилбек аттуу жаран беш жылдан бери Москвада үй-бүлөсү менен жашайт, 3 балалуу. Аялы экөө дворник болуп эмгектенгенин айтышты. Үйүнө барып таанышып чыктым, жашоо шарты абдан начар экен. Аялы ыйлап, “күйөөм камалып кетсе 3 баламды кантип багам, төртүнчүсүн төрөгөнү жатам” — деп жалбарып жатат. Элде ар кандай талаптар коюлуп, камалсын дешүүдө. Мен коомчулукка кайрылат элем, уулун сабаган адамды 4-5 жылга эркинен ажыратуу туурабы же эскертүү берилсинби?” — деп суроо койду ИИМдин Москвадагы өкүлү.

Белгилей кетсек социалдык байланыш түйүндөрүндө аны аталык укугунан ажыратып, өзүн камакка алуу талаптары айтылып жаткан.