ЖК депутаттары жыйынга чогулат

Бүгүн, 30-апрелде Жогорку Кеңештин депутаттары жыйынга чогулат.

Анда эл өкүлдөрү өзгөчө кырдаал режимин Бишкек, Ош, Жалал-Абад жана Ат-Башы районунда 10-майга чейин узартуу жөнүндө жарлыкты карашат. Ошондой эле, бир катар комитеттер мыйзам долбоорлорун жыйналышта кароого даярдайт.

Өзгөчө кырдаал режими башталгандан бери, ЖК депутаттары өлкөдө коронавирустун жайылышын алдын алуу боюнча калк арасында түшүндүрүү иштерин жүргүзүп келишкен, ушул мезгилде депутаттар бир катар документтерди кабыл алуу үчүн бир нече жолу чогулушкан.

Кыргызстандын айрым аймактарында өзгөчө абал режими 10-майга чейин узартуу боюнча президент Сооронбай Жээнбековдун жарлыгы чыккан.