Сокулукта блокпостто документ сураган жоокерди айдоочу сүзүп кеткен

Сокулук районунда Subaru Legacy унаасынын айдоочусу көзөмөл өткөрүү пунктунда турган жоокерди урган. Бул тууралуу 24.kg агенттиги өз булактарына таянып билдирди. Жоокер айдоочудан документтерин сураган. Бирок, ал аларды берүүдөн баш тартып, жоокерди сүзүп салган.

«Алдын ала маалыматтар боюнча, окуя кечээ саат 21.00 чамасында Кара-Сакал айылындагы постто болгон. Subaru унаасынын айдоочусу батыштан чыгышка айдап бараткан. Кагылышуудан кийин айдоочу бакка урунган. Жарадар болгон аскер кызматкери БНИЦТиО госпиталына жаткырылды «, — деп айтылат билдирүүдө.

Маалыматты Чүй облусундагы УОБДД тастыктаган. Ведомствонун маалыматы боюнча, унаа унаа токтотуучу жайга коюлуп, иштин материалдары Сокулу райондук ички иштер бөлүмүнө өткөрүлүп берилген.